Pancasila Ada Anam

PALUI di kampungnya dituhaakan urang kada karna inya katua RT, atawa tuha umurnya tapi karna inya pawanian. Wayah inya jadi pambina upacara 17-an tahun tadi, Palui tasalah sambat acara “hening cipta” disambatnya “taungut satumat”, tapi inya kada jara-jaranya.

“Aku kada takutan tasalah, karna bila salah kawa haja dibaiki. Urang nang takutan salah sama wan pamburisit,” ujar Palui.

“Kami kadanya takutan salahnya Lui ai, tapi nang kami takutani adalah supannya baminggu-minggu,” sahut Garbus.

“Jangankan di hadapan manusia, di hadapan Tuhan pun kita bisa tasalah, tapi pasti ada maafnya bila kita minta ampun atawa baistigfar,” ujar Palui.

“Kalu kaya itu, ikam haja pulang nang jadi pambina upacara pada hari jadi kacamatan,” ujar Tulamak wan Tuhirang.

“Siap, ujar Palui tapi jangan kada ingat manyusunakan acara wan malatih aku supaya kalihatan gagah,” ujarnya.

“Beres, sampiyan tahu beres haja karna kami sudah ma-atur samunyaan acaranya,” sahut Garbus nang jadi kapala gawi. “Ingat Lui lah, manyambat hening cipta jangan lagi wan istilah baungut satumat,” ujar bubuhannya sambil tatawaan.

Wayah acara dimulai, barisan disiapkan, pambawa acara mulai manyilahakan Palui jadi pambina upacara, manaikakan bandira diiringi lagu kebangsaan, hening cipta lalu sampailah pada acara pambacaan pancasila.

“Pambacaan pancasila ulih pambina upacara Bapak Palui diiringi ulih peserta upacara,” ujar prutukul, silakan……….

“Partama, Pancasila,” ujar Palui pina mantap.

“Pancasila,” ujar hadirin mairingi.

“Kadua, Katuhanan Yang Maha Esa,” ujar Palui.

“Katuhanan Yang Maha Esa,” ujar peserta.

“Katiga, Kemanusiaan yang adil dan beradab,” ujar Palui

“Kemanusiaan yang adil dan beradab,” ujar hadirin.

“Kaampat, Parsatuan Indonesia,” ujar Palui.

“Parsatuan Indonesia,” ujar hadirin.

“Kalima, Kerakyatan ……..” dan saterusnya.

“Kaanam,….Ka-adilan sos…..,” ujar Palui pina mulai bingung kanapa maka jumlahnya maka jadi anam sambil papalingau mancarii Garbus.

“Pancasila, lima sila haja kada anam, ujar Garbus manyahut. Ikam tasalah hitung, pancasilanya jangan dihitung tapi hitungan partamanya dimulai pada Katuhanan yang Maha Esa,” ujar Garbus.

“Maaf…….maaf……. ampun maaf, aku tasalah. Pambacaan Pancasila kita ulangi, kita ulangi,” ujar Palui.

“Geeerrrr……” ujar peserta upacara .

“Palui, Palui……dasar pambabal utak hundang,” ujar bubuhannya sambil tatawaan manyalami Palui imbah tuntung apel.

Tinggalkan komentar

Belum ada komentar.

Comments RSS TrackBack Identifier URI

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s